ALPINISTICA Habicht (A) del 23/09/2007
No se pol svegliarse for per la not sognando la costruziom dei travi en cantier.... besogn scampar! E cossi', anca co la scusa della solita firma da far per l cambio cittadinanza (en viaz do servizi!).... gh'e' da nar! Alle 6 salto en macchina e fatta la solita colaziom a Bressanom e passa' el Brennero, smonto fim a Steinach, quindi giro a sinistra en la GschnitzTal (la seconda val a sinistra dopo el confim.... la prima l'e' l'Obernbergtal) e molo zo l'auto dopo 10 Km alla fin del paess de Gschnitz, davanti a na fattoria con davanti en parcheggio e en segnavia per l'Innsbrucker Hütte.... alle 8 en punto, da quota 1280, trati su i scarponi me envio su per el senter.... i da 3 ore per el rifugio, ma essendo da sol, podo sbregar alla mort (soprattutto vist che l giro completo i lo da' en 10 ore), e avendoghe en tel zaino sol picca, ramponi, giacca e 2 borraccie, no g'ho scuse de dirme carga'! Passa' for el limite del bosc sui 1700m, se seta a ciapar quota su per en larc senter de sassi en mez ai prai: la pendenza no la molla n'attimo, e infatti alle 9 en punto vardo l'altimetro e som za' a quota 2000m.. Me gaso a veder la resa e cosi', fago la cazada de taiar le curve sul "za' ert".... en pratica enveze che schivar en gerom passandoghe subit a sinistra come faria el senter, me alzo massa e me tocca far le mie a scavezar via per ritacarme alla salita.... Ormai vers i 2100 la pendenza la deventa pu' umana (peca', diaolopo', pu' ert l'e' pu' dislivell se pol far fora!) e se scominzia en travers vers sinistra. Ancor vinti minuti e passa' en cordin de sicurezza (l'era pu' en passaman, vista la comodita' del senter) giro l'angol e ecco finalmente davanti l'Innsbrucker Hütte! Som a quota 2360, e l'e' sol le 9 e mezza (1 ora e mezza contro le 3 stimae!!!). Beh, la fadiga della sbregada la sento tutta e cosi' l'e' doverosa na pausa de en quart d'ora al rifugio per beverme na bona Coca media e, vist che l'ho desmentegada a casa, co la giornada che l'e' ghe domando anca la "Sonne Schützen"... per n'attimo, quando i me passa en tubet che par Aureomicina me vem en dubbi de esserme spiega' mal.... ma vist che alla fim, con tut el sol ciapa', no me som spella', me sa che l'era propri crema da sol! Dopo do ciacere veloci (eh... i me diaologhi en todesc, d'altronde i e' ancor limitai...) con na comitiva za piena de birra (!!!!) che me domandeva endo che nevo, me envio per la zima vera e propria: l'Habicht. El segnavia el da' altre 3 ore (difficolta' alpinistica F: l'e' propri fazile... e no gh'e' ghiacciai... quindi se pol farla anca en solitaria). Traversa' i primi macioni de nef e passa' sora a en lac, se arriva ai pei de sto triangolom de roccia. Passa' en deposito bastonicini (da qi alla zima vist che l'e' tutt gradoni su roccia.... e se dopra anca le man, i serve bem a poc) e en par de comitive appena partie dal rifugio, taco a ciapar quota tra roccette e passaman de fer e macie de nef. Arriva' a quota 3000, gh'e' ancor 300 metri scarsi, ma vist che l strac el se fa sentir, me ciapo anca el lusso de divorar na barretta, quindi, avanti ancor e passa' do bei nevai de nef fresca, devio a destra sulla cresta de roste e passa' su da na ferratina de 10 metri (no,no! No l'e' roba da ligarse! Tutt roccette de prim e neanca massa esposte!), sona mezdi' che som enzima! Berg Heil! Propri na bella soddisfaziom (2 ore dal rifugio, 3 ore e mezza da val)! E po' da chi se e' propri en mez a tutte le zime conosue: i 3 Tribulaun vers sud, po' Cima Libera e el Pan de Zucchero vers Ovest, Innsbruck a Nord, GammerSpitze, Cima Grava, el Gran Pilastro vers Est: le riconosso tutte a ocio! Me fago far do foto da na tipa de Innsbruck, anca ela partia con mi da Gschnitz e fago la dedica en bilingue sul libro de vetta: en todesc e en trentim.... serando con en "Grüße aus Trambileno (WelschTirol)".... En quardora en tutt e za' me molo en zo a passo svelto, pensando al disnar al rifugio, e infatti, dopo n'ora e mezza en zo, som za' li' che ordino en bom piatt de TirolerKnödel all'Insbrucker Hütte, ovviamente no pol mancar la radler media. Ancor n'ora de discesa a pe' (diaolopo'.... me som stupi' da che veloce che som sta'...) e alle 3 en punto som za' li' alla macchina che me envio vers l'Italia.... e giust passa' el Brennero me ciama i soci del paess: "Kepo, set ancor su dalle to bande? Vegnit a Innsbruck a far serata? Dai che noi sem za' al Brennero! Gh'e' da nar!". Diaolopo', evo giust passa' l'uscita Sterzing.... senno' me saria ben gira'..... ma endo ei drio a nar???!!! No l'e' che i vaga a firmar anca lori?
| Da Gschnitz se risale la sinistra idrografica della val... | |
|
...fim all'Innsbrucker Hutte: piazza' propri sotto l'Habicht: che triangolom de roccia!!!! | ...se continua cosi' oltre el rifugio, e passa' sora al laghet, se taca de rocciette.... | |
|
...e quindi, passa' anca en par de nevai, ecco la zima!!! | Berg Heil Kepo! E bravo anca ancoi! 2000metri de dislivel en 3 ore e meza! | |
|
Dalla zima, la vista l'e' propri bella: vers sud (da sinistra a destra) se vede l'Obernberger Tribulaun, el Gschnitzer Tribulaun e l Tribulaun de Fleres.... | ...vers nord enveze se vede l'imbocco della valle de Stubai e subit dopo la zita' de Innsbruck. | |
|
Bom.... adess gh'e' propri da nar vers val.... tornando prima al rifugio, e quindi altri 1100 metri sotto, alla macchina. | ...ma propri davanti al parcheggio, diaolopo'.... MORDE?!??? | |
